美國確診新冠狀病毒肺炎超過18萬人，累計超過4000人死亡。而身在美國洛杉磯的王梓軒（Jonathan）就因公事在身，未能趕及返港，在當地惟有事事謹慎，做足防禦措施。
Jonathan表示每次外出都要策劃好購物清單，「一次過買曬所有需要嘅嘢，亦唔好逗留太耐！除咗避免感染病毒外，亦都可以減輕醫護人員嘅負擔。」近日的戴上口罩及眼鏡Jonathan，到了一間實施人流管制的超級市場購物，「呢間超市設有人流管制，任何時間都只得12個顧客入去，而每朝8點半至9點就只准長者入舖頭，我覺得依個措施幾好，減小大家患病嘅風險。幸好呢間超市貨源充足，而且有限制購買，好多超市都被搶購，無曬貨了！」
Jonathan衷心希望大家唔好盲搶物資，「有幾種物資依家嚴重缺貨，尤其口罩同手套，我之前喺網上睇到新聞，話有醫護冇口罩改用圍巾，醫護人員真係好缺乏醫療用品，有啲醫生為咗慳住用口罩，佢不眠不休唔食嘢唔飲嘢去工作十個鐘。另外，坊間又流傳緊有啲藥物可以醫治到肺炎，但係未經證實，啲人就搶曬返去，反而仲危險，真正有需要嘅人又冇藥食……所以大家真係要冷靜，唔好亂曬章，如果大家有能力嘅話，多咗嘅口罩可以捐俾醫護人員用，自己減小出門，我哋要自律，齊心去抗疫。」
