單立文今天生日,呂慧儀上載《愛回家之開心速遞》劇組,包括劉丹、湯盈盈、鍾志光、李泳豪等為豹哥準備的驚喜生日會的過程,片段中見到大夥等待豹哥入廠,心情興奮又緊張,當見到壽星,便齊齊唱生日歌,還有熊家一家人每人各捧一個小型蛋糕,為阿叔慶生的合照,網友除了送上祝福,又大讚熊家好有愛。
胡定欣也在IG上載合照祝賀:「老竇,話咁快你又大個仔啦!繼續努力搵錢,日日愛回家……#得閒記得payme兩嚿水零用錢」,豹嫂胡蓓蔚回應:「見你咁乖我都可以payme你」,定欣即時加碼要求$2000。
豹嫂則送上一束鮮花為丈夫慶生,用太太視角拍攝短片,她指女仔也可以送花俾男仔,今年低調慶祝,所以送上鮮花,還叫豹哥要俾反應,豹哥即俯近花束,然後張開口扮作要食花;豹哥肚餓想要食大餐?抑或暗示明年不如送西蘭花或椰菜花實際啲?
圖片來源:呂慧儀@Instagram