Advertisement

【歐洲巡唱】
容祖兒完成倫敦騷 「希望人人都百毒不侵」

本地
2020.03.12
255

screen-shot-2020-03-12-at-5-33-43-pm


容祖兒(Joey)剛於倫敦殿堂級劇院The London Palladium完成《Pretty Crazy Love in London》演唱會,今次到歐洲舉行巡唱,祖兒直言其實也很緊張,慶幸所到之處,荷蘭、倫敦等地,均未受到很嚴重威脅,讓她與團隊能安全地演出,沒有令歌迷失望。



Joey落力演出
Joey落力演出

screen-shot-2020-03-12-at-5-35-05-pm

祖兒表示以往出埠都有帶埋媽咪,但今次就沒有,因為媽咪大病初癒,身體抵抗力不太好,所以留在香港最為安全,「媽咪都冇話好擔心我,佢知道公司同事會照顧我嘛,佢剩係叫我加油。有啲人都問我,呢排冒咁大風險飛來飛去驚唔驚? ‬我少少緊張咁啦,又唔係好驚,自己有做足保護措施。咁多海外歌迷咁惜我,佢地期待咗好耐,我唔想令大家失望,自己可以咪盡力去做。希望大家睇完騷,個個都開心人人都百毒不侵。」‬

與粉絲大合照
與粉絲大合照
The London Palladium
The London Palladium
The London Palladium
The London Palladium

今次世界各地歌迷都有跟着祖兒飛去歐洲捧場,見歌迷遠道而來,出名惜粉絲的祖兒,特地約齊這班長途飛來的歌迷於倫敦 London Eye 前影大合照留念, 令「奶粉」們十分開心,「佢哋咁遠都站站跟,平日做完騷又好少機會同到佢哋傾計,咁難得所以就約大家一齊打個卡留念。」

此外祖兒又在倫敦去踩單車,「喺荷蘭已經好想踩,但冇人肯陪我,時間又唔係好配合到。去到倫敦踩咗一陣算係完個心願,不過踩唔到半個鐘已經走啦,因為好凍,着唔夠衫,隻手直情凍到僵曬,驚自己冷親會影響演出 ‬。」‬

在倫敦踩單車
在倫敦踩單車
很寫意呢!
很寫意呢!
演唱會工作人員
演唱會工作人員


入行二十週年,祖兒已經同麥當娜同級,兩人同在倫敦的The London Palladium開騷,祖兒在巴黎時還特意去看了對方演出,「我好好彩,剛好睇到佢巴黎最後一場演出,之後佢就因為疫情暫停了。我睇麥當娜時,佢扭傷咗腰骨,但係喺舞台上面,佢一樣照展示驚人強勁魄力,真係令我好佩服,佢對音樂對舞台表演個份堅持同毅力,勁到唔識形容。今次係自己二十週年巡迴可以順道睇到娜姐演唱會,俾我一個好大的精神鼓舞!希望到下一個二十年,我都有娜姐咁勁的魄力,繼續喺舞台發光發亮。」

欣賞麥當娜演唱會
欣賞麥當娜演唱會

screen-shot-2020-03-12-at-5-36-17-pm

而祖兒巴黎演唱會,亦因為疫情影響而取消,「其實我哋每一站都好緊張,每日不停開會又開會,時時刻刻都留意住疫情發展情況,留意當地官方政府公布,再去決定係咪可以安全開騷,一定唔會亂來。所以就算巴黎歌迷朋友話好失望,叫我哋唔好取消,我哋都冇辦法,最緊要係大家安全,唯有希望疫情快啲過去,好快可以喺巴黎再見大家啦。」


screen-shot-2020-03-12-at-5-36-10-pm

回香港之後,祖兒謂會先休息一會,「返香港我諗我會自我隔離吓先,都係留喺屋企休息唔出去少見人,保重自己身體,唔好病囉。」

screen-shot-2020-03-12-at-5-35-24-pm

screen-shot-2020-03-12-at-5-33-55-pm

鄭秀文 惠英紅
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2020/03/screen-shot-2020-03-12-at-5.34.52-pm-150x150.png