視帝馬國明 果然魅力沒法擋，去到邊都深受街坊歡迎，令 胡鴻鈞（Hubert ）都嘆說：「星味未輪到你呀老胡。」事緣Hubert昨日（26日）與馬明放工後一齊行街，戴住全副武裝嘅佢，獲得唔少朋友同佢打招呼，Hubert喺社交網寫道：「『入行咁耐 我終於覺得自己係明星啦！』正當我沾沾自喜心感欣慰，心諗原來星味真係點擋都擋唔住嘅時候⋯⋯」原來街坊只係認得馬明，仲大讚馬明好靚仔，可憐嘅Hubert更被請求揸機幫大家影相。
