溫碧霞（Irene）日前抵達巴黎為首部進軍國際的法國電影《Happy night》（暫名）開工，Irene到埗後第二日便馬上開工，只是開工拍了3天，周日（16日）已經可以休息一天，但她並沒有出街，只是留在酒店休息及刨劇本做定功課。
Irene表示拍攝過程十分順利，「我哋拍得好順利，導演非常nice，劇組所有人都超nice，幕後大部份都係法國人，演員就係中國人，大家都好合拍，合作得好開心，劇組超級好呀，每日準時早上9點或10點開工，晚上7點準時就收工，星期日一定休息，所以今日星期日我哋放假不用開工。」
問到有否外出購物，Irene爽快答道：「冇呀，冇出去呀，都好攰呀，想留喺酒店休息下，做下運動，因為我哋喺郊區取景，喺酒店附近散下步就算，冇出去市區購物，坐車到市區好遠要兩個小時，寧願留時間抖足精神及睇吓劇本做吓功課。」
