朱晨麗（朱朱）與緋聞男友何廣沛近日經常合作，在劇集《大醬園》談情之餘，早前還雙雙飛抵杜拜拍攝旅遊節目《3日2夜》，二人朝夕相對，看來感情都昇華不少。
朱朱杜拜之旅更獻出多個第一次，「第一次同何廣沛拍旅遊節目，第一次出埠拍呢類節目，第一次去杜拜，第一次去沙漠，第一次玩刺激高空跳傘，本來劇組取消咗呢個項目，但我極力要求，難得有呢個機會，點都要玩一次，年紀大未必再有呢個膽，趁依家仲夠膽就玩下留做紀念。」
對於杜拜的印象，朱朱表示以往認為只得天氣熱及金碧輝煌，沒想到親身感受過後是兩回事，「去到成個人都好舒服，建築物好靚，去旅行可以選擇杜拜，仲有室內滑雪場，麻雀雖然但設備齊全，乜都有得玩。」
朱朱還為旅程特別訂造了幾套靚衫，連髮型也視乎不同環境及內容而轉變，「唔知會唔會係最後一次拍，要把握每次機會，做人都係，抱着最後一次心態就會做到最好，我好珍惜每一次拍攝機會，各方面都會做足準備。」
朱朱表示與何廣沛已合作很久，兩人已非常有默契，她表示還不時會向對方偷師，「佢會話俾我知點樣做會再好啲，撞出火花同話題，令到成件事會再搞笑啲，觀眾亦會投入啲，用學習心態去拍，所以拍得好愉快。」
