武漢肺炎持續蔓延，唔少市民開始慌忙搶購各類日用品，而作為一家之主嘅張頴康，昨日（12日）亦到超市參與「搶廁紙」、「搶米」行動。
老婆麥雅緻（Angie）貼出張生拎住戰利品嘅相片，並寫道：「話說屋企廁紙剩返三卷，米就剩返小量⋯⋯咁佢就話今朝佢早啲出去啦， 超市開8點，7點半夠早嘞掛，點知佢話去到已經有3、40人（大部份工人姐姐）排住隊等入去⋯⋯一開門好似喪屍咁衝呀跑呀，佢話唔忍心摧毁自己嘅形象所以冇喪跑，所以只係買到一包2公斤米，下晝佢好頹呀！」
Angie又開心地話：「黃昏再出動去買餸，憑着佢一雙迷死人嘅眼睛（ 戴口罩鬼睇到你個樣），同親民無粗口嘅個性，終於藥房阿哥喺人少少嘅情況下，靜悄悄攞咗條廁紙出嚟喇，嘩！ 張生好開心呀！ 佢話唔需要再諗要慳住用兩格廁紙啦！」同時又慨嘆：「咁樣買嘢係咩玩法。」
圖片來源：麥雅緻@Instagram