關心妍（Jade）周六（28日）於東莞舉行《時刻觸動世界巡迴演唱會》，不少香港粉絲組團支持偶像，而全場歌迷的尖叫聲已更Jade差點感動落淚。
巡唱第二站，Jade邀得好友羅力威擔任嘉賓，羅力威在台上自爆Jade是他心中的女神，初入行在頒獎禮第一次見面，想了好耐先敢上前合照，羅力威說：「Jade太多歌打動我，亦影響咗我創作音樂靈感，初入行每次見到佢都心跳加速。」
在個唱尾聲，Jade坦言在開騷前兩星期失聲，讓她擔心不已，「臨開騷前兩星期突然聲沙，馬上去睇醫生照聲帶，醫生話左邊的聲帶出血，好擔心，因為我真係好珍惜每一場演出及歌迷，你哋買飛等咗我咁多年，所以今日真係一個奇蹟，可以喺咁短時間內好返！今晚唱最後一首歌先敢同大家講，如果聲帶惡化可能要臨時取消，好感恩，多謝大家嘅支持，俾我嘅動力，令我把聲今日無事！」
Jade特別感謝老公，她說：「最慘冇得黐住個囡，連同佢玩和說話都唔得，最怕傳染佢，呢幾個星期老公好辛苦，每日帶心心出街玩。」
