張慧儀日前穿著性感晚裝出席馬來西亞「第五屆世界傑出大師頒獎典禮」，獲得「亞洲傑出女藝人大獎」及「最佳服裝獎」，她笑指第二次在家鄉得獎感光榮，笑指有衣錦還鄉的感覺：「因為第一次就係1992年國際華裔小姐冠軍，事隔二十幾年再次得獎，心情就好興奮！心情上同當年都有好大分別，因為當時我立定決心要去香港發展，今次就係二十幾年之後，得到鄉親父老肯定我的工作，所以真係好興奮！」
慧儀姐更揚言自己將會全面復出，向電影、電視全面進攻：「我攞完獎之後，就要急急腳返香港，因為要開部電影埋位啦，一直拍到過年，抖一陣就要要拍電視劇，所以今年聖誕冇得放假，等過年可以返鄉下過節。」 她笑指自己安排工作時間巧妙，不會冷落愛兒：「我咪等佢返學時就努力工作，等佢放假、大時大節咪一齊過囉！何況佢到大個啦，要比機會佢學習獨立。」
