Advertisement

【黎耀祥專訪】黎耀祥飲蔬菜汁減肥 笑言賺夠 享受半退休生活

本地
2019.11.21
2k
撰文:王崇頴攝影:鍾漢平
祥仔當年因「柴九」而登上事業高峰,令他事業及生活上起了很大的轉變。
祥仔當年因「柴九」而登上事業高峰,令他事業及生活上起了很大的轉變。

回望過去十年,黎耀祥的星運及經濟變化相當大,他笑言連外貌都老了,唯一不變就是心態,「入行一刻心態已好穩定,因為由一開始我都唔覺得自己是大明星,當年入行時是黃日華、苗僑偉、梁朝偉及劉德華的年代,每個都高大、靚仔,所以我唔覺自己會是主角,好清楚知道無條件做,即使後來紅了,我亦唔覺自己是明星,只是大家因為我工作的崗位而熟悉我,所以我從來都無變過,正因這個心態,衰啲講句有無觀眾都唔重要,我最大享受就是拍攝時的過程,所以那麼多年來,大家都會覺得我好享受工作。而且我每個階段都停留得太耐,你點囂得起?入行後做了十幾廿年都仲做路人甲乙,囂乜鬼?」

首拍國內劇,令他重拾初衷,「今次拍國內劇,算是對自己一種挑戰及要求,要求自己用普通話去演,因為好怕我說廣東話,對方就說普通話,有種牛頭唔搭馬嘴的感覺,但又唔可以要求對方用廣東話,所以今次自己百分之九十都是用普通話來演繹,只是有些對白,條脷捲唔切,轉唔切一些字先用廣東話。」

他表示在國內拍劇,各方面都十分認真講究。
他表示在國內拍劇,各方面都十分認真講究。

貴為三屆視帝,今次參演《鳳弈》降格做男二,祥仔說從來不會想這問題,「我拍劇,無論男一或男二,我都沒有心理障礙,不會影響我,對我來說每個角色都重要,況且入行以來都是由路人甲乙演起,配角都演了十幾年,衰啲講句我怕乜?相反我好享受做配角的工作狀態,因為做主角好攰,場場都有你份,但是否真的每一場都需要你呢?又不是,只不過一定要有你存在,但又未必有戲演喎;相反配角就不同,你一出現就是要演戲,話明配角嘛,你一出來就是要配襯,不會有什麼無謂場口,正因為沒那麼多場口,休息時間就自然會多,今次齣劇我只是有三百多場戲,而女主角有八百多場戲,她即使一日拍十場戲都要拍九十日,你諗吓會變成什麼狀態?真係諗起都想死,所以做配角好處就是有足夠休息及研究劇本的時間,做好角色,每次當主角演到攰,你就精神飽滿行出來演,你睇幾着數?最重要觀眾會分別每個角色演得好與唔好,所以男一男二對我來說沒什麼所謂。」

拍攝期間,適逢祥仔生日,太太當然陪伴身邊。
拍攝期間,適逢祥仔生日,太太當然陪伴身邊。

自從做「柴九」爆紅,近十年工作不斷,他笑言已賺夠,目前與太太享受人生,最近與太太齊齊榨菜汁代正餐,成功減磅,「近日開始多飲菜汁,以羽衣甘藍這種菜為主,幾隻菜榨汁來喝,因為有位同事就是榨菜汁飲,由三百磅減到百多磅,就覺得幾神奇,又有效,而且可以醫治三高問題,所以咪試,最重要我同太太都開始年紀大,要注意身體,食少一餐就一餐,試過三日淨飲菜汁,一肚餓就飲,其實怎樣飲都會肚餓,但我想試驗有什麼感覺,不過三日之後頂唔順,就食一餐早餐,慢慢你的胃口就會收細,就不會覺得肚餓,現在無特別都主要飲菜汁,已經十日瘦了幾磅,但如果有朋友約食飯都會照正常吃的。」

惠英紅 鄭秀文
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2019/11/a191031a087-150x150.jpg