胡杏兒今日（6日）踏入40歲，老公李德乘以及胡說八道的好姊妹為她慶祝生日，讓壽星十分興奮！胡定欣、李施嬅、姚子羚、黃智雯、胡蓓蔚及老公單立文均穿上火紅服裝到賀，十分喜慶！
杏兒在IG發表感受：「生日時間過得真係好快，眨吓眼就踏入4字頭，真係好幸運好幸福，有一班好姊妹每年一定陪我過，有個錫我嘅老公加兩個健康活潑可愛嘅BB，加上身體健康，感恩感恩，踏入4字，要更加努力做好自己各個身份，多謝家人支持和愛護，我會努力。」
胡定欣為杏兒的幸福人生感到開心，「胡杏兒，20對生日快樂！我成日都話你有一張好好的人生時間表，無論工作上或是家庭上，一切都來得剛剛好，轉眼間你已經成為人妻還是兩子之母，呢個20對係非常美滿！接下來，不用急慢慢行，好好享受每步，大家一齊行！WE LOVE U.」姚子羚就表示：「Happ 40 Mrs. Lee，從妳身上看不到歲月的痕跡，只看到一個成熟、自信、美麗、智慧、幸福的妳⋯⋯事業家庭兩得意。希望妳繼續幸福快樂，願我們能和妳慶祝下一個happy 50、60、70、We love you babe 。」
黃智雯寫道：「Myo mama 踏入美麗的40，一定要跳返隻Happy dance ，你喺我心目中的role model，型格又得，優雅又得，做媽媽又得，有咩你唔得! 祝您願望成真，繼續散發自信自在從容的氣度 ，love u forever.」
李施嬅則留言促杏兒再生B：「Happy birthday to 女強人，超級媽媽！踏入新的人生階段，更加大紅大紫、更加美麗，再生多啲B’sssss。」
豹哥單立文亦希望杏兒再添寶寶，若生女就更完美，「杏兒終於40歲啦,，佢係一個十分叻叻豬嘅女仔，人生要做嘅嘢佢都差唔多全部完成。咁就祝你身體健康，早生貴⋯⋯啦！」
圖片來源：胡杏兒@Instagram