大台劇集《金宵大廈》男主角陳山聰在劇中暫未能與李施嬅長相廝守，但現實中的他即將在11月1日踏入人生另一階段，與拍拖6年的攝影師女友拉埋天窗。早前二人更特別飛到法國拍攝婚照，而今日兩位主角就同大家開心Share呢啲靚相喇。
在已公開的婚照中，兩人流露出無限的幸福和快樂，而山聰望住Apple的眼神簡直是甜到漏。山聰表示：「其實我同太太拍拖呢5年入面，我都冇為太太做過啲咩浪漫嘅事，依家終於要結婚喇，所以我好想帶佢去一個好浪漫嘅地方影相補數，希望俾到佢有個美好回憶。法國係一個我相信大部分女仔都會鍾意嘅地方，加上太太以往都未去過法國，所以好想同佢喺呢度，影一輯靚靚婚紗相，成為我同佢之間一個最美好同難忘嘅回憶。」
影咗咁多靚相，大家都好關心山聰使咗幾多錢，山聰話：「呢個美好回憶係唔可以用錢去衡量，婚紗相出嚟嘅效果好滿意，只要係能力範圍內做到，一定要令太太開心，希望大家睇到都鍾意。」
