為紀念福陞粵劇團成立31周年，汪明荃（阿姐）與老公羅家英假西九文化區戲曲中心演出六場《穆桂英大破洪州》，原本10月1日阿姐與梁兆明演出《天仙配》，劇團昨午（3日）舉行補場以及壓軸演出。
阿姐與拍檔出場謝幕，戲迷即報以熱烈掌聲，阿姐到台前感激所有觀眾的支持，她感謝陳貝兒的父親陳永鎬等功臣，劇團能夠維持三十多年，讓阿姐百感交集。
隨後阿姐又請出「福陞粵劇團」的靈魂人物羅家英，家英哥感謝觀眾的支持，「粵劇真係一個香港好本地嘅文化，我希望將粵劇發揚開去，將粵劇傳承，而家又多咗班後生，當然啲叔父仲喺度。」阿姐亦說會將喜歡的作品教導後輩，希望各位新人可以加把勁。
阿姐說道：「家英哥呢次好大方，因為九日十場，有三日我好想同兆明合作，佢就讓咗呢個機會俾我。福陞粵劇團31年，九日十場嘅演出，到今日到呢一刻我係完全放心。因為喺整個演出籌備嘅過程到演出，以及補場，每一日除咗擔心自己的演出，亦都擔心好多嘅情況，好在華光師傅嘅保佑，等我順順利利完成演出。我衷心多謝每一位入場嘅觀眾朋友，無論香港嘅環境係幾咁唔理想，但我見到大家仍然好鍾意粵劇，同埋支持我哋，衷心多謝！」
阿姐又表示與團隊爭取興建戲曲中心花了超過十年的時間，她很高興現在能夠在如此漂亮的場地為大家表演。
