方力申（Alex）將於11月參與「香港環島泳45公里慈善挑戰」，全程需連續游12小時，相當考驗泳者的耐力。Alex近日積極備戰，一星期堅持操練六天，不過每次到海中實戰總是困難重重。Alex今日（9日）練水時被大浪拋得頭暈暈，更辛苦得連環嘔了4次。
Alex上傳游泳片段，見他按着浮板說：「仲有差唔多兩公里就到淺水灣，我兩公里之前，跟佢哋（隊友）講Bye Bye，其實唔俾一個人游，但我頭先都講過好頭痛，咁頭痛喺海再等就更加暈，我話唔得我寧願慢慢游，你哋一陣追到我就追，如果再停喺度⋯⋯再曬住，塊面又曬到有啲痛，再等我唔掂⋯⋯我會嘔，其實而家都可以嘔。」期後他即忍不住扣喉，瘋狂嘔吐。
Alex在社交網留言：「游到嘔：Warning… 以上片段會引起觀眾不安，反胃甚至想嘔，因為片段拍攝到我在海中嘔吐的過程，不想看的請看下一段視頻。游海真係唔簡單，容易脫水容易中暑容易嘔，點解我要咁辛苦，同情我請捐款。」為了支持Alex，不少圈中朋友包括鄭秀文、蔡卓妍、張繼聰和郭少芸等，皆拍片為他打氣，希望小方能全力以赴。
圖片來源：方力申@Instagram