車婉婉早前參與拍攝《大醬園》，日以繼夜地工作，忙到連陪囝囝BBQ嘅時間都無，搞到佢成日都心掛掛。近日劇集煞科，婉婉終於又可以同BBQ糖黐豆啦！
婉婉笑言囝囝近日盡情發揮「吃貨」本色，為咗食嘢更開始學用筷子。噚日（6日）婉婉分享一段同BBQ去飲茶嘅片段，見兩歲大嘅BBQ手持「學習筷子」，即場表演夾包包，更開心得為自己拍掌，非常可愛！
婉婉：「Q MaMa今天第一次帶埋BBQ對私人筷子去飲茶，估唔到佢拿捏得咁快喎⋯⋯冇錯，一位出名嘅吃貨，的確會為『吃』而出盡全力學習，係冇嘢可以阻止到BBQ對『包包』嘅熱情，最後賽果-食晒三個。」
唔少網民都大讚BBQ叻仔，「我睇到BBQ一日一日長大」，又有人話BBQ吃嘢個樣好治癒，「好鍾意睇BBQ食嘢，滿足既笑容真係睇見都開心」。
圖片來源：車婉婉@Instagram