組合Boy’z成員張致恒（Steven）早前被爆出一連串劣行，聲名大損。Boy’z原本將於9月，開首個紅館演唱會，但因Steven醜聞而宣告擱置。
此消息令關智斌（Kenny）大失所望，他更於鏡頭前落淚，表示出道16年來一直希望登上紅館的舞台。雖然他紅館夢碎，他仍原諒拍檔Steven，盼對方可做個盡責任的男人。不少粉絲都為Kenny感到心痛，又表示會繼續支持偶像。
今日（2日）經理人Mani公布最新消息，一班英皇同事將會幫Kenny圓夢：「各位媒體朋友，第一時同大家分享這個好消息 ! 公司已得到紅館確認申請，Kenny 關智斌將於9月踏上紅館，實現他多年的夢想。英皇手足容祖兒，古巨基，張敬軒，TWINS 全力支持。因剛剛才得到確認，一切全速進行中，詳情於日內盡快公佈。再次多謝各位對關智斌的愛心與支持。」
Kenny亦回應說，會盡最大的努力報答支持他的人：「我真係好開心好開心，好多謝大家支持。多謝各位傳媒嘅朋友，同埋我公司一班兄弟姊妹；特別係所有網民，佢哋喺呢個禮拜不斷同我集氣。跟住多謝其他Send message俾我嘅藝人朋友。同埋所有Fans，因為你們不停嘅支持，先促成我能夠喺紅館開演唱會，之前都無諗過會夢想成真，而家真係成事，特別感恩。不過，我覺得而家最重要嘅係，呢段時間將所有嘅注意力都擺喺演唱會上，先唔會辜負大家對我嘅支持，我一定會以百分之二百努力為大家呈現一個Good Show，話俾大家聽我值得上呢個舞台。」
圖片來源：關智斌@Instagram