向來關心時事，敢作敢言的黃夏蕙，被網民封為「夏蕙BB」，雖然夏蕙姨現處身美國工作，仍心繫香港，對於近日發生的種種事件表示擔心。夏蕙BB昨日（23日）在facebook透露將於下月3日黃昏時單獨回港，不過如今動盪的社會局勢卻讓她感到相當不安。
夏蕙姨上載了兩張相，並向網民請教該如何選擇回港衣著，她激動地寫道：「各位，我好亂！幫吓我決定着乜鬼衫返香港。係咁㗎，我決定8月3日黃昏6點一個人返香港…..但係依家喺香港地，着衫啲顏色配搭都好大件事，揀錯色就等於生死一線，黃同藍就已經唔着得啦！依家黑同白又唔着得！究竟想市民點X樣呀？你哋話我怕死，可以叫潘Sir陪我一齊返咪無事？唉！你哋就知啦！佢舊陣時係做差佬，點信得過呀…..所以我有個提議，黑底白花嘅衫，應該安全啦！係唔係？」
她希望香港可以回復正常，「其實您哋應該知道我講乜！更加知道良知同人性嘅分別！依家唔係60年代呀，若要人不知，唔好太白癡，好唔好？快啲將香港變返和平福地，等我返得安心啲。仲有，呢個期間唔該唔好再喺任何群組，上崗上線咁轉發任何一方嘅短片同聲音呀！我係老人家，只係想世界和平，開開心心！無興趣火上加油！咪X再搞X我部電話呀！哈哈！講完舒服晒，8月3日香港再見大家！」
網民得悉夏蕙BB的憂慮後，即紛紛為她獻策，「可以cosplay斑馬」、「夏蕙BB唔着最安全」，同時希望她能平安回港。
圖片來源：黃夏蕙@Facebook