最近忙住拍節目的鄭希怡（Yumiko），趁暑假帶埋四歲囡囡梁浸浸（Avery）去日本北海道旅行。佢啱啱仲upload咗佢哋兩母女喺小樽水族館玩摩天輪嘅片段，而浸浸嘅窩心表白更氹得Yumiko心花怒放。
小樽水族館是北海道的熱門觀光景點，除了本館之外，旁邊亦有遊樂場和摩天輪，供遊人遊玩。既然一場來到，鄭希怡於是帶Avery玩摩天輪。紮了丸子頭的Avery原來是第一次玩摩天輪，影片中的她十分興奮，快到最高點時更大叫「快到啦」，非常可愛！當Yumiko問她怕不怕高時，Avery立即話：「媽咪喺度，Avery唔驚！」Avery的回答頓時讓媽媽心花怒放，難怪有「Sweet girl」稱號。
鄭希怡母女又去了新雪谷滑雪場玩，由於氣溫已回升至二十多度，滑雪場變成了一望無際的大草原。她們特意穿上熒光色的母女裝，一橙一粉，十分矚目。愛靚的Avery綁了兩個小丸子，被Yumiko搞笑稱爲「小哪吒」。她又在ig曬出與Avery的溫馨對話：「媽咪，我想同你着一樣！」大受感動的Yumiko不禁問粉絲：「係咪個個女仔都係咁㗎？」兩人又鬼馬地合影，當浸浸在前面舉手勢時，Yumiko則在身後扮鬼扮馬，童心未泯。
圖片來源：鄭希怡@Instagram
影片來源：鄭希怡@Instagram