朱晨麗（朱朱）現正忙於拍攝無綫新劇《大醬園》，由於劇情牽涉製作豉油工序，故外景頗多，敬業嘅朱朱為求演出神似，經常「唔錫身」落手落腳洗缸。
由於近日天氣酷氣，加上朱朱缺乏時間休息，日前她於外景場地突然休克暈倒，要麻煩工作人員幫她即場撥扇及搽精油降溫，最後更驚動監製特意前來慰問。
朱朱期後表示：「以前我好似隻牛咁捱得，但今年天氣特別熱，加上近呢3年自己除咗拍劇，真係冇乜點放過假，近期都發現身體的確弱咗好多，而當日又冇乜瞓過，結果搞到曬一曬就即場暈咗。」於中暑暈倒前，朱朱已感到唔舒服，仲不以為意玩自拍，結果不知不覺間暈低。
對於監製梁材遠專程到場慰問，朱朱靦腆地說：「估唔到搞到咁大陣仗。其實呢套劇大家合作得好開心，有時趕戲好辛苦，一眾女演員好似我同楊卓娜咁，會排隊按摩，幫彼此減壓，之前又寓工作於娛樂齊齊包糭應節，真係好有愛。」
