《愛回家之開心速遞》將於今晚播出第586集《青春火花》，劇情講到由大小姐、熊若水、Ma姐、Rebecca、垃圾清、Icy以及Anita組成嘅「接龍女排」，為贏得比賽而接受刻苦訓練。
劇集未出街前，演員們已率先分享片場照，見佢哋身穿紅白排球服，相當醒神！製作組今次更成功邀得前國家隊女排成員孫玥助陣，令觀眾十分期待。
而一班女將見到偶像，都表現得非常興奮，飾演垃圾清嘅周梓盈留言：「喺世界級面前，D粉絲心爆哂出黎！『孫玥扣殺』！」呂慧儀亦化身小粉絲，肉緊地攬實孫玥。
務求有最佳表現，眾演員都密密苦練球技。大小姐林淑敏更把握時間於公司停車場練習，佢透露未事先通知而慘被保安員記名，「搞到好似讀書年代被風紀記名的感覺。」
圖片來源：呂慧儀、周梓盈、何綺雲@Instagram