汪明荃（阿姐）與鄭少秋（秋官）呢對經典熒幕情侶，繼年初後於馬場合體演出後，日前又再齊齊飛抵新加坡聖淘沙舉行演唱會。
阿姐於社交網上載唔少靚相，見佢同秋官打扮新潮，二人好有默契穿上間條衫，連家英哥都忍唔住留言︰「好合襯啊！祝演出成功，多合作，來個全球演唱。」
雖然當地比較熱，阿姐於演出前亦到著名景點環球片場參觀，期間更與粉絲一同遊玩，相當親民！
完騷後阿姐即分享演出照片，見佢以多套歌衫上陣，十分高貴華麗！而秋官亦穿上型格禮服，與阿姐合唱經典歌曲，高水準嘅演出令非常歌迷陶醉。又有唔少粉絲都大讚佢哋係型男美女、最佳拍檔。
阿姐留言話騷後好開心食到榴槤：「多謝主辦單位 多謝台前幕後、台燈聲、梳化服各部門、福星大樂隊、香港舞蹈員、多謝劉宏基及製作團隊…..當然更要多謝入場觀眾，最後仲食到榴槤呀、好滿足。」
圖片來源：汪明荃@Instagram