愛心爆棚嘅鄭秀文（Sammi）家中飼養咗一貓一犬，兩隻毛孩為Sammi生活增添唔少樂趣。當中德國牧羊Lucky更陪伴佢多年，今日（29日）Lucky14歲生日，Sammi特別為愛犬準備小蛋糕，佢貼出合照：「Lucky仔今日生日，14歲了。希望Lucky身體健康，快快樂樂安享晚年。」佢又搞笑地話今朝剛睡醒所以要用個公仔遮面。
另外，Sammi噚日發文表示會努力為演唱會作準備，今日佢就坐言起行，穿上運動服健身。見Sammi面色紅潤，精神非常好！佢於Instagram寫道：「傷了腳之後很久沒運動了。萬事起頭難， 但沒有藉口不努力了，今天終於放膽爆爆汗。」
圖片來源：鄭秀文@Instagram