喺剛過去嘅復活節假期，唔少藝人都會帶同仔女外遊享家庭樂。而梁詠琪（Gigi）亦與老公Sergio及囡囡祈淑菲（Sofia）飛抵日本京都旅行。
Gigi於社交網貼出多段影片及照片，見Gigi與囡囡參觀著名景點嵐山竹林，Sofia更開心得同媽媽彈住行路，非常可愛！Gigi仲同囡囡襯到絕，齊齊穿紅白色母女裝。
期後，Gigi分享囡囡嘅賞櫻照，令網民大讚Sofia比身後嘅花更靚；Gigi又同老公到神社祈福，佢留言：「2019年帶家人重遊京都伏見稻荷神社，跟着導遊指示祈福許願，原來很多步驟。」見Sergio十分興奮，似乎係初次體驗祈福。
Gigi又到清水寺遊玩，留言感謝途人嘅小禮物。從相片可見Sofia緊抱爸媽合照，一家三口應該玩得非常盡興。
圖片來源：梁詠琪@Instagram