龔嘉欣（Katy）近年工作一浪接一浪，除了主持綜藝節目外，更密密接拍劇集。而Katy有份參演嘅劇集《堅離地愛堅離地》原定下月播出，但因「安心事件」而被公司擱置。不過，粉絲們就毋須擔心，因為嘉欣將有《包青天再起風雲》、《殺手》等新作陸續播出。
Katy最近又與何廣沛等拍攝新劇《大醬園》，佢在Instagram分享片場照，並留言：「司棋姐以前曾經幫我起過一個花名叫『睡公主』 。因為她說無論任何地方，隨時隨地我都可以睡着……我想……我的確是吧。每天外景接廠景再外景的通告確實不容易，為自己加油做好角色，偶爾才做一下睡公主。」
相片中見Katy坐喺度瞓着，網民留言話Katy係名副其實睡公主，瞓着都咁靚。而佢攰到爆嘅樣就令粉絲心痛留言：「做嘢還做嘢，最緊要注意身體。」、「小心頸椎，咁對條頸唔好，買個枕頭啦。」
圖片來源：龔嘉欣@Instagram