第38屆香港電影金像獎頒獎典禮已圓滿落幕，新一屆影帝影后經已出爐，最佳男主角由黃秋生的《淪落人》獲得，而最佳女主角由大熱曾美慧孜憑《三夫》獲得，而最佳電影則由發哥和郭富城主演的《無雙》獲得。
出爐影帝黃秋生到台前戴上帽：「要CHOK下先。」他首先感謝一班影壇新人：「原來真係有奇蹟，唔係講我，我係講今晚，初頭話有好多後生仔做，以為死得，點知好好睇、好有意義，要比啲掌聲佢哋。」其後，秋生搞笑地話：「好榮幸可以喺新一代電影大亨攞到呢個獎。如果我知佢係秦朝返嚟，一定會要求他幫手攞…」古天樂即上前說：「得啦得啦。」二人獲得全場掌聲支持。
他又多謝《淪落人》的台前幕後人員：「多謝小娟導演欣賞我，佢成日喺片場當我小朋友氹。Also thank you Crisel, you dance with me in this moive，you are my angel。」他再感謝投票給他的評委，又多謝沒投票給他的人，還他知自己有不足。
「多謝楊受成對我經濟上支持，等我唔收錢可以拍呢套戲。但大家千祈唔好學我，因為唔係個個都有楊老闆。但如果大家想拎獎，就可以試下，因為好心有好報。」最後秋生感謝家人：「多謝我太太，長時期忍耐一個成日失蹤嘅老公，出現嘅時候又人凳合一，以唔同嘅角色出現。多謝我媽媽，佢喺生命最後一刻教識我好重要嘅嘢，生命好短，唔開心你就笨。」
另外，秋生表示今次獲獎特別感觸，笑言：「我年紀已大，希望繼續有戲拍就好了，大家知我狀況啦。」
曾美慧孜上台時用廣東話說：「大家好，我係小美曾美慧孜，多謝香港金像獎比咗呢隻玻璃鞋我。多謝陳果導演俾咗機會我做女主角，多謝所有工作人員。」小美再以普通講發表感言：「多謝我媽媽，她今晚應該坐在第二行。」《三夫》是去年四月一日開機，小美表示初次來香港，並不知道坐車去文華酒店要過海，但因為身上只得500元港幣，結果遭司機拒載，所以有第二輛車來就直接上車。她憶起哥哥張國榮：「我要感謝張國榮，他給了我很大的鼓勵，我看她的戲，從他身上我學會了戲比天大。」
部分圖片來源：Viu TV