《翠絲》連中兩元，惠英紅摘下最佳女配角，而袁富華則奪最佳男配角。
惠英紅在台上拿過獎後，說出感受：「多謝金像奬、多謝評審、多謝《翠絲》整個團隊，包括我自己。點解我要多謝自己？其實呢幾年，我有機會拍多咗戲，我可以話係最支持新導演嘅演員，因為我抵得諗，因為我覺得香港電影要百花齊放，一定要有後生嘅，我哋啲老人家賺多賺少都冇緊要，只係希望做番好似我當年出道，年產400多部戲嘅時候，各式各樣嘅電影。而家，我見到好多新人，能夠發放色彩我覺得好開心。而自己又有參與嘅話，我覺得好榮幸。」
袁富華在台上亦眼濕濕話多謝女朋友，「佢雖然冇來，但佢喺屋企睇電視，多謝佢，冇佢十幾年來嘅支持，我唔會有今日。」
台後，惠英紅接受訪問時，說到兩度奪得金像獎最佳女配角，她很感激大家，提到上次獲亞洲電影大獎最佳女配角，已大曬三點式泳照，今次會送什麼給大家看？她笑說：「我有幾多東西給大家看？如果要全裸就要看以前的寫真集，哈哈。希望大家繼續支持新導演。」
袁富華表示雖然得過台灣金馬獎最佳男配角，但香港這個獎是一個情意結，他說：「當演員沒有一般人說的有房子、有車子和有錢，是很艱苦的，但她（女友）就是不離不棄，跟我一起拚。」問他會否結婚？他笑說不談了，諗諗先。