仲記得你嘅童年係點過嗎？小編記得細個都會喺學校快手做哂啲功課，然後放學即刻趕返屋企睇《叮噹》。噚日（4日）係兒童節，好多藝人都有分享童年照，你又覺得邊個最精靈可愛呢？
形像硬朗嘅陳山聰貼出cool爆童年照，佢話：「潮流興騷肌，我搵到條寸寸貢嘅𡃁仔出嚟同大家比較下，祝大家兒童節快樂。」
譚凱琪細個原來係男仔頭：「這個偽男孩，兒時喜歡踢足球，時常被大哥哥派去守龍門。」眼仔碌碌嘅Zoie着住阿媽織的溫暖牌，非常可愛！佢又留言：「祝大家能保持孩子般的笑容 ，保持純真。」
原來「學霸」是這樣煉成的！麥明詩貼出與眾不同嘅童年照， 佢寫道：「 好多人話我『冇童年』，但其實睇好多電視打好多遊戲機，又唔一定等於有個快樂童年～你覺得我勤力，其實我樂在其中喎！（哇我啲眼睫毛當時已經好長）」明詩認真做功課嘅態度實在令小編慚愧。
袁偉豪不時會於Instagram分享童年照，兒童節呢日當然都曬番張可愛相，佢搞笑寫道：「喂⋯⋯⋯⋯我係袁偉豪，係呀⋯祝大家兒童節快樂」
「最靚CEO」黎姿非常重視與三個千金相處嘅時間，佢留言：「孩子的世界是無憂無慮，快樂滿瀉的一個人生階段。」
平日少讓囝囝食快餐嘅楊千嬅與應采兒，喺兒童節呢日都決定「大赦」，睇下小丁同Jasper食得幾滋味！
靚媽關心妍帶囡囡楊榮心去主題公園遊玩，兩母女齊齊坐旋轉木馬。
大細路張繼聰約埋劉翁一齊去波波池玩餐勁，重溫童年嘅美好。
圖片來源：陳山聰、譚凱琪、麥明詩、袁偉豪、黎姿、楊千嬅、應采兒、關心妍、張繼聰@Instagram