馬德鐘出名高大有型，其完美嘅形像更被稱為「馬神」。而馬神21歲嘅囝囝馬在驤（Xiang），亦盡得父母遺傳，現時已有一米九高，加上俊朗的外表，吸引唔少粉絲。早前Xiang簽約邵氏兄弟為旗下藝人，並參與拍攝廣告。
Xiang現於澳洲修讀機械工程，最近佢成功考獲救援員牌照，喺澳洲悉尼著名景點邦迪海灘（Bondi Beach）兼當衝浪救援員。原來要考得呢個資格並唔容易，因為救援員嘅工作非常艱難，同埋衝浪過程具有一定危險，有堅強嘅鬥志先可以過關。
不過Xiang先天條件優厚，除咗有Fit爆嘅身體、驚人嘅耐力，佢更係一名游泳健將，所以絕對勝任拯救工作。
馬德鐘都忍唔住喺社交網分享照片，曬出囝囝於沙灘上嘅英姿，並留言：「恭喜小在哥成為Bondi Beach 衝浪救援員！成為真正的男人是能夠拯救別人之餘，同時要懂得保護自己！」
圖片來源：馬德鐘、馬在驤@Instagram