車婉婉與中澳混血兒Jonathon Quinlan於13年結婚，二人其後誕下可愛嘅囝囝Justus（BBQ）。噚日（28日）係BBQ兩歲生日，婉婉邀約一班playgroup嘅朋友仔為囝囝慶生。見到熱鬧嘅場面，BBQ表現非常興奮，更嚐到人生第一個小蛋糕。
婉婉於Instagram分享唱生日歌片段，見BBQ開心地望住面前嘅蛋糕，又不停指住巴士叫：「Bus！Bus！」婉婉見到囝囝咁滿意，感動留言：「BBQ高齡日誌之有了您兩年前，BBQ先生加入了Q氏家庭，MaMa想多謝您的來臨，縱使生命的路途上有很多沙石挫折，您是我繼續努力的最大原因。」婉婉話大家為囝囝唱生日時，見到BBQ好開心，令佢感動得差啲落淚。
婉婉又寫道：「BBQ，MaMa會keep住努力，您就要keep住健康快樂成長，我會在您身邊，我們互相打氣，ok! Love u always! Happy Birthday.」
圖片來源：車婉婉@Instagram