容祖兒（Joey）上個月與好姊妹蔡卓妍（阿Sa）到北海道旅行，Joey似乎對於雪國情有獨鍾，日前又同好友關智斌（Kenny）、楊受成兒子楊政龍等人再遊日本，齊齊去滑雪。
Joey今次難得同Kenny獨處，表現得非常興奮！二人不時親密合照，猶如情侶一樣，Joey開心留言：「我終於可以同關智斌二人世界啦，邊有人七點起身都咁靚仔㗎。自從北京一齊拍劇之後就冇再有機會出埠嘞，所以我好期待今次嘅旅程。你睇我哋幾襯，一個黃一個綠。」佢哋又在雪地拖手影相，非常浪漫。
Joey上次幫阿Sa喺雪地影咗有趣嘅滑雪相，令粉絲大讚有型，今次Joey話徇眾要求都影番張。於是Joey就瞓喺地下，用一隻手撐起身體， 另一隻手就拎住拐仗做出滑雪動作，而Kenny就喺面前幫忙撥起雪花，製造落雪效果。網民就笑言斯文嘅Kenny撥得唔落力，未如Joey般專業，不過影嚟嘅相片都呃得吓人，望落仲型過阿Sa嗰張。
網民就笑言斯文嘅Kenny撥得唔落力，未如Joey般專業，不過影嚟嘅相片都呃得下人，望落仲型過阿Sa嗰張。
圖片來源：容祖兒、蔡卓妍@Instagram