去旅行有個識影靚相嘅玩伴好重要，幫對方影相都係一種友情嘅考驗，影得唔好分分鐘都會反面。 而謝安琪（Kay）13日生日，老公張繼聰（阿聰）就同佢去日本拍拖旅行，相當Sweet！不過，講到影相就傷感情，阿聰喺Instagarm分享兩張相，抱怨Kay影得唔啱心水。
兩口子到富士山觀光，阿聰話見到靚景當然要影番張相，Kay即專業地擺哂甫俾老公影，而阿聰嘅作品令阿Kay好滿意；到阿聰埋位影相時，就生硬地企到直一直，老婆影完問：「點呀？ok嗎？」阿聰一睇回應：「好好呀 ! 我好似一個阿叔第一次去旅行咁….」無奈講話之後去其他景點，都無再影相，似乎笑緊老婆攝影技術。
網民留言話阿聰係咪唔識死，Post相取笑老婆「咁你即係話老婆影得差啫！大膽呀你！」、「激嬲老婆系列」好多人都撐阿Kay，「你企到好像當兵咁，關個攝影師咩事？」、「女神宜影，不宜揸機」，又好mean咁話「100% 係人既問題」、「點解你唔反省下係樣個問題？」所以阿聰以後都係乖乖做番攝影師啦。
圖片來源：張繼聰@Instagram