被稱為扮聲王的王祖藍近日在內地綜藝節目《聲臨其境2》再度發揮其「扮聲絕技」，聲演不同角色、動物和物件聲。該集節目播出後，祖藍更登上微博熱搜頭五名，被網民封為「人肉變聲器」。
從片段中可見，祖藍在兩分鐘內一口氣聲演了「風」、「打開電視機」、「倒紅酒」、「星球大戰對打場口」、「F1賽車賽」、「拉二胡」、「吸塵機」、「電鑽」、「鬚刨」、「公雞」、「母雞」、「小雞」、「馬」、「豬」、「青蛙」和「恐龍」共16種不同聲音，看得同場的藝人以及觀眾們如癡如醉，掌聲更是此起彼落。
事後問到祖藍是如何發掘自己的「變聲絕技」，他笑言：「細個嗰陣嫲嫲喺元朗有個農場，咁嗰時我朝早五點幾就要起身，當然冇乜嘢玩啦，得啲雞喺度叫，咁我咪跟住叫咯，叫吓叫吓就樣樣動物都識得鬥叫，都幾得意架。（扮完咁多聲有冇喉嚨痛？）配完《魔戒》嗰PART係有嘅，因為嗰把聲係最傷聲嘅。」
影片來源：互聯網