許廷鏗（Alfred）出道十年，今年終於首登紅館舉行個唱。而家距離演唱會不足一個月，Alfred近日積極備戰，努力做運動同控制飲食，務求以最佳狀態示人。
而深得年輕歌迷喜愛嘅Alfred，經常走訪各大校園，累積唔少人氣。噚晚（27日）獲大學音樂學會邀請擔任活動嘉賓，甫出場即引起同學熱烈歡呼，為答謝大家嘅支持，佢獻唱多首經典歌。
結尾時各位同學仔意猶未盡，大叫鏗鏗Encore，Alfred留言：「話說諗住表演完，最多清唱多兩句，諗住開始時突然起歌！」喺無準備嘅情況下，Alfred應同學要求表演代表作《面具》，期間唱到興起時更除外套，掀起高潮！相信鏗鏗三月份嘅個唱氣氛會更加熱鬧。
圖片來源：許廷鏗@Instagram