鍾鎮濤（B哥哥）人緣甚廣，早前一班圈中人好友為佢慶祝66歲牛一。B哥哥嘅生日Party有很多嘉賓到賀，包括溫拿幾位兄弟、曾志偉、杜德偉、梁家輝、關之琳、劉嘉玲、舒淇、彭健新、鄧梓峰、葉童與老公陳國熹等，可謂星光熠熠，氣氛非常熱鬧！
溫拿、葉童同梁家輝等都有表演，儼如開緊小型音樂會。B哥哥同囡囡鍾懿合唱佢嘅經曲歌《讓一切隨風》，贏得全場掌聲。
期後細女鍾幗亦加入表演，同爸爸父女檔夾Band ，見鍾懿純熟地打鼓，非常有風範；而鍾幗就喺旁邊，用搖鼓幫爸爸同姊姊打拍子。B哥哥兩個女兒都充滿音樂天分，果然虎父無犬女！
圖片來源：鍾鎮濤@Instagram