Advertisement

【情人節閃光彈】邊對藝人情侶最Sweet?

本地
2019.02.15

「2月14顛沛流離 2月14曲折離奇」單身犬喺情人節聽到呢首歌,真係眼淚都流埋。以為過咗2月14號就無事,但原來2月15號先最慘,嘩!一開電話唔少「閃光彈」爆哂出黎,唔少藝人都趁住呢日浪漫放閃,出盡心思搏另一半歡心,刺眼到要戴番副先稍為頂得順。

張繼聰喺海旁為愛妻謝安琪獻唱一曲,氹得老婆非常開心。同時阿聰高超嘅冧女方法,令男士們感到有壓力

張繼聰喺海旁為愛妻謝安琪獻唱一曲,氹得老婆非常開心。同時阿聰高超嘅冧女方法,令男士們大感壓力。

袁詠儀(靚靚)收到老公張智霖一大束紅玫瑰,兩人更頭貼頭合照,甜蜜程度爆燈

袁詠儀(靚靚)收到老公張智霖一大束紅玫瑰,兩人更頭貼頭合照,甜蜜程度爆燈!

陳茵媺同老公陳豪去西班牙拍拖旅行,Aimee仲整咗本愛的相冊做為情人節禮物

陳茵媺同老公陳豪去西班牙拍拖旅行,Aimee仲整咗本愛的相冊做為情人節禮物。

陳智燊同宋熙年生咗囝囝後,仍愛的如膠似漆,非常溫馨

陳智燊同宋熙年生咗囝囝後,仍愛得如膠似漆。

李亞男(Leanne) 分享同老公王祖藍緊拖住手嘅合照,而情人節亦是王祖藍同老婆嘅結婚紀念,可謂有雙重感動

李亞男(Leanne) 分享同老公王祖藍緊拖住手嘅合照,而情人節亦是王祖藍同老婆嘅結婚紀念,可謂有雙重感動。

王浩信情人節就同「前世情人」喬喬一齊過,兩父女戴上頭飾,非常可愛

王浩信情人節就同「前世情人」喬喬一齊過,兩父女戴上頭飾,非常可愛!

王君馨同老公Daniel結婚三年仍相當恩愛

王君馨同老公Daniel結婚三年仍相當恩愛。

黃翠如同蕭正楠勾勾手指尾:「承諾ㄧ生ㄧ世陪住 , 永不分離。」甜到震!

黃翠如同蕭正楠勾勾手指尾:「承諾ㄧ生ㄧ世陪住 , 永不分離。」甜到震!

有無被閃盲?

希望各位將來都能夠搵到自己嘅幸福!

圖片來源:陳茵媺、張繼聰、袁詠儀、宋熙年、王浩信、王君馨、黃翠如@Instagram

 

陳卓賢 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹