Advertisement

【情人節】張繼聰海旁自彈自唱冧爆謝安琪 「要佢幾十年後都記得」

本地
2019.02.15

唔少男仕都係噚日情人節(2 月14日)出盡法寶氹女朋友同老婆開心,不惜一擲千金買花買手袋食燭光晚餐慶祝。而絕世好老公張繼聰噚晚就去咗尖沙咀海旁自彈自唱張學友經典情歌《每天愛你多一些》,令老婆謝安琪過咗一個冧爆嘅情人節晚上。


在 Instagram 查看這則貼文

張繼聰 Louis(@louischeung2013)分享的貼文 張貼

呢晚周爸周國賢都有去尖咀海旁,仲自彈自唱咗《目黑》,唔少情侶經過都大飽耳福。

點解張繼聰會咁浪漫諗到去海傍即席自彈自唱?原來係謝安琪今年俾佢嘅情人節難題,「老婆話唔要啲物質禮物,但係要難忘嘅冧豬嘅幾十年後都記得嘅,於是我帶佢去海旁,問班年輕人借咗d架生。」呢條難題完全難唔倒計仔多多嘅張繼聰,佢隨手就喺尖咀海旁年青人手中借咗支結他,輕鬆自如咁自彈自唱《每天愛你多一些》,而係人群堆嘅張太謝安琪就聽到一臉陶醉地甜笑,表示冧爆。

untitled-collage-6

歌手身份出道嘅張繼聰雖然有一段時間冇公開演唱,但佢嘅唱功都冇退步,現場觀眾聽到佢彈最尾幾粒音嘅時候都覺得唔夠喉,齊聲大嗌Encore,而張繼聰出完絕招冧完婆就瀟灑咁留一下句「唔好意思,打攪晒」就擺低結他行開。事後,他表示非常感謝尖少咀海旁年青人借出結他,亦感激幫忙拍下重要時刻的友人。

 

圖片來源:張繼聰、謝安琪@Instagram

星級企業大獎2020 姜濤 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹