2019賀歲片《新喜劇之王》票房大賣，周星馳日前親身上廣州與影迷見面答謝支持。星爺睇見現場氣氛熱烈，高興地宣布將會開拍電影《功夫2》，而對於現場觀眾問他為何久未在幕前露面的謎團，他竟然開腔回應：「我做任何事不是為錢。」
星爺昨日出席《新喜劇之王》廣州的宣傳活動，他在見面會上親口證實將會開拍傳聞已久的《功夫2》，而這套更是全新作品，不是《功夫》故事的續集，「《功夫2》係發生喺外國嘅現代故事，但同《功夫》有一樣嘅方向。」內地觀眾聽到消息後即問他會否親自演出作品，當大家以為星爺會以無厘頭金句「耍走」對方，佢竟然好正經咁反問：「我可以嗎？你覺得呢？」群情洶湧的影迷聽到星爺有意向演出當然答他可以，還不介意他當跑龍套角色客串一下。而星爺則笑言自已年紀大了，雖然他們不介意，但自己介意得很。
另外，星爺是日竟罕有地回應淡出幕前的原因，「我只係想講一件事，我其實係要自己鍾意先會去做，我做任何事都唔係為錢，依個就係我想講嘅嘢。」星爺說畢，全場隨即掌聲四起，拍手叫好。其實電影工作者好多時都唔係為咗錢而拍戲，況且星爺呢種神級人馬根本已經唔憂做，何必要應付片商們辛苦自己呢？
圖片來源：互聯網