新年期間同親戚聚首，唔少人都會翻開舊相簿，同家人一齊愐懷從前溫馨嘅時光。而鄭秀文（Sammi）亦公開一張童年照，仲叫粉絲估下邊個係佢。
相中有四個可愛嘅妹妹，兩個較大嘅女仔同樣著住牛仔衫、喇叭褲；中間嘅女仔著住綠白直條嘅連身裙；而最細嘅妹妹就著住紅色工人褲。Sammi就俾埋個貼士大家，佢留言：「從小就鍾意紅色。」仲話：「媽媽說mi從小就非常大膽不害羞，小時候並不喜歡穿內褲。」未知相中邊個妹妹咁醜醜豬唔著內褲。
Sammi話聽日先同大家開估，唔少Fans估左一穿紅色衫嘅小朋友就係Sammi「第一個感覺是紅衫那個，你愛紅，三歲定八十」、「mi有3個家姐 ，細細粒果位就係mi 」、「左一因為有靈氣」。究竟嗰個會唔會係Sammi?
圖片來源：鄭秀文@Instagram