馬德鐘憑《跳躍生命線》奪得視帝，昨晚於尖沙嘴搞咗個慶功宴，宴請劇中一班演員和幕後出席，珍姐（曾勵珍）坐足全晚，有事在身的樂易玲亦有到賀，俾足面出爐視帝。
馬德鐘說：「雖然今日係我請大家來，但出錢係飯店老闆，大家是多年好友，每年都同我講如果我得獎就送兩圍慶功，可惜年年都攞唔到，今年佢就話如果攞到就送十圍，終於得獎，朋友就兌現承諾。」
問馬神為什麼馬太沒來？他說：「公還公，私還私，前日缺席百萬行活動，因為患上感冒，現在已經好啲，但傳染咗俾太太和阿仔。」馬神計劃農曆年會到澳洲，順道陪阿仔返澳洲開學，問他們一家會否再曬泳照？他說「大家都看過啦！現在啲胸肌都唔夠阿仔嚟！佢大隻好多。」馬神雖然消瘦不少，但精神和皮膚質素俱佳，皆因他奉行健康飲食法已經一段日子，不過慶功宴當晚的中式酒席菜式，肉類也不少，他說:「其實我又唔係食齋，雖然食好多蔬菜類，但平時都會吃少少海鮮，今晚食少少都ok，我都飲酒啦！改變飲食習慣後，酒都不多飲了，今日咁高興就飲一杯，以前我飲得幾癲，追酒飲，現在最多飲一杯，見到酒都唔想飲了。」
