黃依汶Emme昨晚與老公陳國坤、囝囝陳真及三十位親朋好友友慶祝三十八歲生日，場面熱鬧！Emme今天於社交網分享生日會相片及影片，相中見到一家三口齊齊雙手合十許願，兩公婆都瞇埋眼，唯獨陳真眼都唔眨望住蛋糕，好似急不及待要食蛋糕咁。最後發現佢原來唔係想食蛋糕，只係想鬥快吹蠟燭，點知一唱完歌就俾Emme吹熄咗，點算？唔怕，爸爸陳國坤用打火機再點一次俾佢吹，得咗。
在大合照中，見到囝囝好Sweet咁送花俾媽咪，冧到Emme暈得一陣陣。她更留言寫上生日願望：「安康快樂順心就好，一個蛋糕三個願望。」
圖片來源：黃依汶@Facebook