新年同聖誕檔期係唔少明星搵真銀嘅最佳時機之一，所以唔少藝人喺呢個時侯都會取捨陪伴屋企人嘅時間，出去密密做騷賺錢。而最近嘅聖誕騷竟然唔見美魔女溫碧霞（Irene）嘅蹤影， 原來佢推晒所有工作，一家三口齊齊飛咗去峇里島慶祝聖誔同新年。
正在峇里島享受陽光與海灘嘅Irene今日就post咗大量靚相同大家分享，佢仲話：「今年聖誕可以一家人一齊度過就係最好嘅聖誕禮物，係無價寶。」問到Irene喺呢個黃金檔期推走咗幾多job，賺少咗幾多錢，她透露已推掉的商演令她賺少了7位數字，但可以和家人共享天倫是絕對值得的。
至於2019年Irene有什麼大計，Irene神神秘秘地說：「正在籌備緊兩部好好的電影，應該可以畀到驚喜大家，對我亦都係一個突破，但暫時唔透露咁多住，哈哈！」