Advertisement

王梓軒為MV狂練舞 王君馨吊帶裙相助

本地
2018.11.28

3

王梓軒(Jonathan)早前與王君馨(Grace)拍攝無綫劇集《是咁的,法官閣下》,二人感情甚篤,Jonathan特別邀請Grace,擔任劇集插曲《夜曲十七章》的MV女主角。王梓軒表示,為MV苦練舞步多日,但拍攝卻不時出現「蝦碌」場景:「因為今次MV要走景拍攝,舞步又超高難度,要君馨轉到頭都暈晒穿越我下半身,加上沙灘凹凸不平,真係高難度動作!當日跳咗五、六個鐘,拍完呢Part都散晒!臨尾個shot君馨都要檢查我下盤有冇腳震,佢驚我冇體力抱起佢拋佢落水!」

1

除了廠景外,MV更會到海灘拍攝,導演要求王梓軒站到水中扮有型,但天氣轉冷,冷得Jonathan渾身發抖,要不斷跳動保暖:「呢排天氣變凍左,但我都唔算辛苦喇,君馨就夠晒義氣,咁凍都吊帶裙上陣,一roll機仲若無其事咁跳,呢d專業精神真係要比個like佢。」

2

Grace在MV中遇上家暴,Jonathan就為她送上鼓勵。Jonathan表示Grace有參與MV創作:「佢都算唔話得,因為今次個構思君馨有幫手諗,即使佢拍晒自己部分,都留低陪我睇shot,大家齊齊凌晨三點幾先收工!今次我爭佢咁多,真係無以為報,未來佢有咩用得着我就開聲,我隨傳隨到!」

陳卓賢 MIRROR 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹