萬聖節，扮鬼扮馬少不免，小朋友更可以周圍問鄰居攞吓糖食，好鬼開心，梁洛施同三個仔齊齊預早到中環慶祝萬聖節，不過，梁洛施個樣係人都認得出，連帶三個仔就被人發現！好彩都係萬聖節，扮乜都得，梁洛施化身大猩猩，由頭到腳都冇露出任何破綻，就可以安心在中環游走，反正三個仔都未露過真身！嗱！根據相中人，大仔長治當晚就扮忍者，兩個孖仔呢？就戴咗面具，真係認你唔到！
圖片來源：梁洛施@Instagram
