黃心穎（Jacqueline）早前去咗加拿大蒙特利爾工作，寓工作於娛樂，又食又玩，不時在社交網上載靚相，留言：「我要活在藝術裏，montreal的街上到處都是壁畫。」對住鏡頭更不停擺甫士，牆壁上的人像哭，佢就扮喊，牆壁畫有隻眼珠，佢就睜大眼伸脷，模仿能力超強。
不過，佢話最大開眼界就係睇尼亞加拉大瀑布，搞到佢日又睇，夜又睇，「今次去多倫多登台、住的fallsview casino resort 離 Niagara Falls 好近，發覺夜晚同日頭看瀑布的感覺完全不同。夜晚五光十色、影相會好靚，早上看就看到水流的衝力、好壯觀，但早上就要注意，好勁霧水、行得太近會成身濕晒，所以都要著雨衣。我希望下次可以試吓坐船，聽講都幾刺激，因為會好近瀑布，我相信到時一定會全身濕晒，建議夏天才坐。」
圖片來源：黃心穎@Instagram