姚子羚（Elaine）、胡定欣、曹永廉同蕭正楠，最近齊齊飛到瑞士拍旅遊節目！
連日來他們去了多個地點取景，包括雪山及葡萄園，Elaine於社交平台發相分享與羊咩咩玩的情形，留言︰「羊咩咩⋯⋯黑面羊佢哋都冇黑面仲好Q呀！佢哋會自己走過嚟㗎！任摸唔嬲～條頸仲掛住個啷啷～一路行一路響，去到邊都知啦！」
之後佢同定欣去到另一景點見到落雪，都非常興奮，更用雪寫上「love my sis！」就算雪打落塊面、入埋眼，都好開心呀，完全寓工作於娛樂。
子羚表示今次除了與好姊妹胡定欣同行外，兩位男士蕭正楠及曹永廉亦相當照顧她們，整個過程亦笑料十足，「整個旅程都互相取笑，都好玩得！節目中有一part拍佢地去內衣店為我們挑選內衣，而我同定欣就安排去藥妝店為他們買類似成人紙尿片的用品，相當好笑。」
圖片來源：姚子羚@Instagram