陳山聰由於新劇《十八年後的殺人告白》有場打擂台戲，要騷肌肉，於是找來四位健身教練為他打造操肌計劃，戒口只吃水煮雞蛋白及雞肉，又控制飲水分量，練得一身靚靚肌肉。
今日他在IG貼相大騷fit爆身形，留言：「天氣影響心情，好天氣自然心情好，心情好一切都會美好。」似乎相當享受出海假期。老友佘詩曼也讚他：「Wow!好fit wor。」曹永廉更爆料：「發哥都讚你身形好fit。」山聰不太相信，反問：「唔係啩？好想同佢跑一次，幫我話俾發哥知，學吓嘢呀！」問陳山聰點解忍不住騷肌？他說：「因為剛完成劇集拍攝，可以好好放假，趁夏天就出海玩，加上多咗同袁偉豪去玩滑水，咁出海當然要除衫騷吓肌肉，練得咁大隻，當然要騷吓，唔通等大肚腩先騷咩？好開心拍完劇自己都無太過放縱，都希望自己可以一直保持落去。」
無論男女，keep fit是一世嘅事業，希望山聰愈來愈fit啦！
圖片來源：陳山聰@Instagram