第一集的劇集《深宮計》嘅兩位小演員，飾演家姊元瑈犧牲自己代妹妹元玥入宮，分離一刻勁催淚，觀眾都驚訝佢哋點解喊得咁逼真。《明周》搵咗兩位童星即場演繹，只係三秒，佢哋已經喊到整臉眼淚！
家姊元瑈真名陳偲穎，佢來頭唔小，佢喺家燕媽媽藝術中心學過跳舞和做戲，在劇集《一屋老友記》飾演滕麗名囡囡梅小菲，《超能老豆》飾演陳智燊囡囡阿一，仲客串過好多劇集，如《收規華》、《與諜同謀》、《我瞞結婚了》等十幾齣劇。
妹妹元玥真名黃雪兒，喺《幕後玩家》飾演過黃宗澤囡囡，仲客串過電影《賭城風雲3》、《紀念日》和《寒戰2》等，難怪演技咁好啦！