卜戴倫戴著諾貝爾文學獎得獎者的光環，8月4日與樂隊在會展舉行演唱會 。
兩年前榮獲諾貝爾文學獎的美國樂壇傳奇歌手卜戴倫（Bob Dylan）闊別7年重臨香港，鐵定8月4日在灣仔會展舉行演唱會，今個月他還有新搞作，正式進軍酒業，推出個人品牌威士忌，睇佢拍宣傳照睇書品酒個樣，超有型!
卜戴倫本月正式進軍酒業，推出個人品牌威士忌，睇佢拍宣傳照睇書品酒個樣，超有型!
有「搖滾詩人」之稱的卜戴倫2011年曾在九展舉行兩場個唱，全場爆滿，大唱千禧年代三張出色專輯《Love and Theft》、 《Modern Times》、《Together Through Life》中的精彩歌曲外，更將自己的經典名曲如《Highway 61 Revisited》等改頭換面，令樂迷high足兩晚。
卜戴倫今次戴著諾貝爾文學獎得獎者的光環，8月4日與樂隊在會展舉行BOB DYLAN and His Band Live in Hong Kong 2018 ！今早消息在facebook公開時，令香港樂迷興奮，不少人狂share消息，還準備下周一撲飛。好多網民擔心已76歲的卜戴倫年事已高，今次唔睇唔知再有冇得睇。
樂迷可先欣賞卜戴倫與樂隊在日本的演出。
其實本月24日便滿77歲的卜戴倫依然狀態甚佳，近年仍密密地在世界各地舉行tour，亦keep住推出新碟，近年幾張玩cover的專輯《Shadows in the Night》、《 Fallen Angels》、《Triplicate》仍是編曲、錄音靚爆的水準之作。
趁本月77歲牛一，卜戴倫推出個人品牌Heaven’s Door Spirits威士忌。
趁本月77歲牛一，卜戴倫仍有新搞作，正式進軍酒業，推出個人品牌Heaven’s Door Spirits威士忌，睇佢拍宣傳照一路睇書，一路品酒個樣，真係超有型!
撰文：張一明
圖片來源：freezlimited、互聯網