嗯哼喺《爸爸去哪兒》嘅萌爆舉動拐走咗唔少姐姐同媽媽嘅母愛心，唔少人仲做埋嗯哼嘅小粉絲，其受歡迎程度更超越爸爸杜江。近月，嗯哼大王與媽媽霍思燕在親子節目《媽媽是超人》亮相，而最新一集預告片竟出現一位與嗯哼五觀、表情有九成相似的手抱BB，唔通佢就係傳聞中嘅嗯哼妹妹「小嗯哼」？
從片段可見，嗯哼與「小嗯哼」五觀有九成相似，一雙眼睛簡直係用電腦複製、貼上，如果一齊出街，實在好難說得通不是兄妹或兄弟吧。當嗯哼見到媽媽抱住呢個BB嗰陣，仲透露出陣陣醋意，好似同自己媽媽講緊：「你抱完妹妹未呀？我又要你抱。」
左：霍思燕2016年凸肚照片 右：內地網民拍到嗯哼、媽媽與BB車
嗯哼媽媽霍思燕曾於2016年愚人節上傳凸肚照片，只留下一句：「哎唷喂。」。其後，嗯哼在《爸爸去哪兒》節目中亦說過：「等我回去了，妹妹就長大！」，同時亦有內地網民喺街市拍過嗯哼、媽媽與BB車嘅照片，但杜江同嗯哼媽媽都冇作出任何回應。另外，其實喺節目《媽媽是超人》開拍前網上已有不少討論關於嗯哼妹妹會在節目中亮相，睇埋今集預告片，就直頭要將個預言實現咁。至於呢位BB嘅真正身份係乜？想知嗯哼係咪有個妹妹？就要留意今晚嘅《媽媽是超人》喇。
左：「小嗯哼」右：嗯哼小時候生日照
圖片來源：互聯網，霍思燕@微博
