【明報專訊】電影《殺破狼‧貪狼》成績理想，在內地錄得過5億票房，香港票房截至昨日亦將衝破650萬。古天樂、陳漢娜及監製黃柏高昨日齊齊到旺角戲院謝票。古仔大受女觀眾歡迎，甫入戲院即被重重包圍，被瘋狂「集郵」，更有女粉絲在遊戲環節要求與古仔合唱《月亮代表我的心》，但遭古仔請食檸檬，古仔說﹕「唔唱！唔得！你已經錯過咗機會了！」
內地5億票房 計劃開拍續集
黃柏高直言有計劃再開《殺》片續集，但先要有一個具心思的劇本，不能求其，要能打動到觀眾和演員。古仔表示滿意票房成績，希望可以再好些，若開續集都會接拍。他說﹕「如果要在戲中繼續打，我希望打得更精彩。」片中飾演古仔女兒的陳漢娜，坦言開工首場戲便要瞓殮房與古仔演對手戲，她大讚古仔好戲，自己都被嚇親，亦被對方的氣場震懾。該場戲正是古仔望住陳漢娜的遺體爆喊，十分感人。古仔笑言﹕「見她陰公呀嘛，一個新人一入來便扮死，當時我以為她不知cut機，10幾秒郁都唔郁，我都擔心所以嗌她。」提到片中演出被獲讚賞，可有信心於明年金像獎得獎？古仔表示最緊要觀眾喜歡套戲，票房好就已經開心，得獎是命運的安排，順其自然啦。
記者﹕陳釗